Лого бүтээх

Тохиролцоно

Түр ажил

Гүйцэтгэх ажилтан

Монголын Хувийн Хэвшлийн Эрүүл Мэндийн Байгууллага

Эрүүл мэнд

2023-03-31

Монголын хувийн хэвшлийн эрүүл мэндийн байгууллагын нэгдсэн холбоо нь анх эздийн холбоо нэртэйгээр 1993 онд үүсгэн байгуулагдаад эдүгээ 30 жилийн түүхийг гишүүн эмнэлгүүдтэйгээ хамт бүтээж буй төрийн бус байгууллага юм.

Манай Байгууллагын Алсын Хараа нь хувийн эмнэлгүүдийн хөгжлийн хөтөч, мэргэжлийн холбоо болоход Эрхэм зорилго нь гишүүн байгууллагуудын нийтлэг эрх ашгийг хамгаалах, бизнес эрхлэх таатай орчинг бүрдүүлэх, эрүүл мэндийн тусламж үйлчилгээний чанар, үр дүнг дээшлүүлэхэд хувь нэмрээ оруулахад орших болно.

Бид түүхэн хөгжлийнхөө явцад эмнэлгийн тусламж үйлчилгээнээс гадна ариутгал халдваргүйжүүлэлт, эм хангамж, үйлдвэрлэл, анагаах ухааны сургууль гэх мэт чиглэлүүдээр өргөжин тэлсээр байна.

МХХЭМБНХ-ны эрх барих дээд байгууллага нь их хурал, төлөөлөн удирдах зөвлөл нь 11 хүний бүрэлдэхүүнтэйгээр удирдан чиглүүлж 300 гаруй эмнэлэгт хүрч ажиллаж байна.

Гол үйл ажиллагаа нь:

* Хууль эрх зүйн хүрээнд эрх ашгийг нь хамгаалах

* Сургалт, семинар зохион байгуулах

* Үйл ажиллагаагаа хөгжүүлэхэд нь мэргэжлийн болон удирдан зохион байгуулах чиглэлээр арга зүйн зөвлөгөө өгөх

* Гадаад харилцаагаа хөгжүүлэхэд нь туслах

* Төсөл, хөтөлбөр хэрэгжүүлэх

* Шагнал, урамшилд тодорхойлох, олгох

* Мэдээ, мэдээллээр хангах

* Бусад олон нийтийн арга хэмжээ зохион байгуулах гэх мэт дүрмийнхээ хүрээнд дээрх чиг үүргийг хэрэгжүүлэн ажилладаг

Бүтээлд тавигдах шаардлага:

* Лого нь байгууллагын үйл ажиллагаа, онцлогийг тусгасан сэтгэлгээний өндөр түвшинд хийгдсэн байна.

* Лого нь өндөр нягтралтай (300 pixels/inch-с дээш) байх бөгөөд жижгээс томруу хувиргахад харьцаа алдагдахгүй үндсэн элементүүд тод харагдах

* Бүтээлээ Аdobe photoshop программын JPEG өргөтгөлөөр буулгаж, утга санааны тайлбарын хамт huviinemneleg@gmail.com хаягаар дээрх заасан хугацаанд ирүүлэх

* Лого нь видео, сурталчилгааны самбар,сонин, сэтгүүл, ил захидал, цахим танилцуулга, зурагт хуудас, даавуун болон бусад материал дээр хэвлэхэд боломжтой байх

* Уралдаанд нэг оролцогч хэдэн ч загвараар оролцож болох бөгөөд бүтээл тус бүрийг тодорхой тайлбарласан байх

* Овог нэр холбоо барих утасны дугаар ажлын болон оршин суугаа хаягаа уралдаанд ирүүлж буй бүтээлийнхээ тайлбар хэсэгт тодорхой бичсэн байх

Лого нь: Бидний туулж өнгөрүүлсөн түүхэн замнал, үнэт зүйлс, зогсолтгүй урагш тэмүүлэх хүсэл эрмэлзлэл алсын хараанд хүргэх цэгийн илэрхийлэл болох болно.

Шагнал:

Хамгийн шилдэг нэг бүтээл 150.000 төгрөгийн мөнгөн шагналтай

Хугацаа: Бүтээлийг 2023.03.10-нээс 2023.03.26 нийг хүртэл хүлээн авна.

Жич: Хугацааг 2023.03.31-ийг хүртэл сунгав.

Шалгаруулалт:

Бүтээлийг хүлээж авснаас хойш ажлын 5 хоногт шалгаруулж мэдээлэх болно